رواية مجنونة في عالمي للكاتبة سلسبيل كوبك الفصل الحادي عشر
أخر حاجة وقفنا عندها في الفصل العاشر.. ادم و وعد دخلوا مكتب ال Boss، وعد لقت شخصين قاعدين على كنبة، و شخص قاعد على كرسي المكتب و مديهم ضهره، و بعدين لف وشه... شخص: اهلا بالشيطان... وعد اتصدمت جدا... وعد(بهمس و زقت ايد ادم): ادم ادم ده هو نفس الشخص اللي في الفلاشة... الكل لاحظ زقها لإيد ادم... ادم بصلها بإبتسامة صفراء... ادم(بإبتسامة صفراء و همس): اخرسي حبة... Boss: ازيك يا وعد...
وعد(بهمس): ده عارفني يا ادم... ادم: معلش يا Boss مش فاهمة حاجة... Boss: و لا يهمك... Boss: مش حرانة يا وعد؟ وعد لسة هتتكلم... ادم(بغضب مكتوم): لا مش حرانة.. جاك: ايه يا ادم مالك؟سيبنا نتعرف على القمر... وعد بصتله بغضب... وعد(بزعيق): طب احترم نفسك علشان مهزأكش ياض... جاك: واو شرسة بحب النوع ده... ادم(بغضب): جااااك احترم نفسك... Boss: في ايه يا شيطان؟خليك صابور...
انس: حضرة الشيطان وعد هتبقي في شرف ال Boss النهاردة... وعد خافت جدا و مسكت في ايد ادم اوي... ادم بصلها و مسك ايديها كإنه بيقولها متخافيش... ادم(اتكلم الماني لانه عارف ان وعد مش بتفهم الماني)، و لا انا و الله فالحوار هيبقي عربي؟.. ادم(بالالماني): حضرة ال Boss اعتقد ان ملهوش لازمة اننا ننهي عليها... جاك(بالالماني): انت مجنون؟دي خطر علينا كلنا... Boss: وجهة نظرك يا ادم...
ادم(بص لوعد): انها هتبقي حرم الشيطان... -ده كله تحت انظار وعد المستغربة لان الكل وجه نظره ليها، و هي مش فاهمة حاجة... جاك: الحق يا Boss ده عايز يجبلنا مصيبة كبيرة فوق دماغنا... انس: انت واعي يا شيطان؟ ادم: كلامي مع ال Boss... Boss: واثق فيها يا شيطان... ادم: طبعا... Boss: تمام... انس: انت موافق يا سيدي؟! جاك: دي مهزلة... Boss: كلامي مش برجع فيه يا جاك انت و انس.
جاك كان غضبان اوي و قرب من وعد علشان يضربها، ادم خباها ورا ضهره... وعد مكنتش فاهمة حاجة كانت بتتنفس بصعوبة و ماسكة في كتف ادم اوي... ادم: اياك و لو تقرب منها، هتندم، فاهم يا جاك... انس: هي وصلت للدرجة دي يا شيطان، علشان خاطر بنت تقف قدام جاك... ادم: خلص الكلام... Boss: اي غلط هتتحمل نتيجته انت يا شيطان... ادم: موافق...
وعد كانت خلاص بيغمي عليها، و فعلا بدأت تغمض عنيها و بتحاول تقاوم، لغاية ما كانت هتقع، بس ادم لحقها في اخر لحظة... ادم(بخضة): وعد وعد وعد، ردي... و بعدين ادم شال وعد... ادم(بزعيق): اطلبوا دكتور على ال؟يلا... ادم شال وعد و ركبها عربيته و لسة شايلها على رجله... -عند ال Boss... جاك: البنت دي خطر علينا... انس: لازم نتخلص منها... Boss: هنشوف هيحصل ايه؟
ادم وصل ل؟يلته و شال وعد و دخلها الاوضة و كان الدكتور وصل، و كشف عليها... الدكتور: It is just fatigue(انه مجرد ارهاق)، she needs rest، (انها تحتاج للراحة) ادم: okay thanks، (ماشي شكرا)... الدكتور مشي... ادم نادي على الخدامة... ادم: When she wakes up, let her eat and take a shower، and call me(لما تفوق خليها تاكل و تاخد شاور و ناديني)... الخادمة: ، Yes, sir(تمام يا سيدي)... ادم راح عمل تليفون...
الخط اتفتح... تميم: اهلا بالمصيبة اللي لبستني فيها دي... ادم: حصل حاجة؟ تميم: ابدا شوية تعيط و تقول عايزة وعد، و شوية انا عايزة اكل، و شوية انا زعلانة، و شوية عايزة امشي، و شوية بابا وحشني، بمية حال مرة تضحك و مرة تعيط مش عارف اتعامل معاها خالص... ادم: بقي بنت تميم بيه اللي مجنن البنات مش عارف يتعامل معاها خسارة... تميم: و النبي... ادم: المهم جهز حفلة بسيطة كدة احتفالا بجوازي...
تميم(بصدمة): ادم اتجوز، انت بتهزر فهمني... ادم حكي ليه على كل حاجة... تميم: و مسبتهاش تموت ليه و كنت هبعتلك نور تموت هي كمان و ارتاح... ادم: هتصدقني لو قولتلك معرفش... تميم: معرفش... ادم: اتصل بعز و بلغه... تميم: اتصل بيه انت... ادم: تميم وقت الشغل شغل... تميم: تمام... ادم قفل الخط و سأل على وعد الخادمة قالت انها لسة مفاقتش... ادم غير هدومه و اشتغل... -عند تميم و نور... تميم كان تحت و نور فوق...
نور(بصريخ): تميمممممممم... تميم اول ما سمع صوتها جري علطول لفوق، و اول ما دخل الاوضة لقي حد رافع مطوة في وشها... نور(بدموع): تميم... تميم: عايز ايه؟ الشخص: كل الفلوس و كل الدهب بسرعة... تميم(ببرود): مفيش حاجة... نور: ده وقت برود... و بعدين تميم في لحظة شد نور ناحيته وضرب الحرامي ضربه خلته ميقومش بعدها... نور كانت ماسكة فيه اوي... تميم: هششششش، اهدي انا هنا اهو... نور(بعياط): عايزة شيكولاتة...
تميم: عيطي يا نور، يا شيخة غوري من وشي جتك القرف... نور: حمزة و ريان كانوا بيجيبوا ليا شيكولاتة و بيبسي لما بكون بعيط و زعلانة... تميم طلع تليفونه و اتصل على حد... نور(بهمس): هتجبلي شيكولاتة؟ تميم: الو يا ابني ابعتلي كام واحد يأخد جثة حرامي هنا... تميم: يلا انجزوا... نور: يعني مش هتجيب شيكولاتة... تميم مسك نور من ايديها و نزل بيها للمطبخ و فتح تلاجة صغيرة كدة... تميم: خلاص كدة... نور(بفرحة): الله...
و قعدت تأكل كتير في الشيكولاتة... الباب خبط، تميم فتح الباب... تميم: الجثة فوق... شخص1: تمام يا بيه... و فعلا كذا واحد خدوا جثة الحرامي و خرجوا من ال؟يلا... نور: تميم بليز عايزة اكلم وعد... تميم: لما تفوق... نور(بخضة): حصلها حاجة؟ تميم: لا هي بخير بس نايمة... نور: تمام الحمد لله... -في مكان تاني... عند عائلة النجار... مصطفي: البوليس قال ايه يا بدر؟ بدر: بيدوروا يا عمو... سيلين: متقلقش يا عمو، خير...
منال: البنات يرجعوا، يا رب رجعلي بناتي يا رب... سعاد: ارجوك يا رب ملناش غيرك.. رحيم: محمود للاسف انا و ناصر و فرح و هدي مضطرين نرجع امريكا... محمود: ماشي يا رحيم... ناصر: طمنني على ماما يا مصطفي... فرح: اصل الشغل بتاعي مش مستني الصراحة... هدي: و لا انا... بدر: تروحوا و ترجعوا بالسلامة... فرح: ماشي يا حبيبي، باي يا نانسي... نانسي: باي يا ماما... هدي: بنات طمنوني على وليد، متنسوش... وليد: انا اهو يا امي...
هدي: حبيبي، وحشتني، حصلك ايه؟ وليد: وعد السبب... مصطفي: تعرف حاجة عن وعد يا ابني؟ منال: لو تعرف ارجوك اتكلم... وليد: ايه اللي حصل؟ سعاد: اختفت هي و نور.. وليد: كنت بكلم وعد لقيت حد اتهجم عليا و ضربني جامد و مش بس هو ده ده عشان مقدرش عليا لوحده راح جاب حراسه، و وعد نادته بادم... (كداب اوي وليد ده؟) محمود: يا رب... رحيم و ناصر و فرح و هدي سافروا لامريكا... ريان: وصلتوا لحاجة؟ محمود: لا لا...
مصطفي: اه بجد مش قادر فينك يا وعد، فينك يا وعدي انتي يا روح قلب ابوكي... حمزة: احنا لازم نلاقيها... -عند ادم و وعد... وعد بدأت تفوق و لقت الخدامة قاعدة قصادها... وعد: لو سمحت لو سمحت... الخدامة:؟Do you speak English(هل تتكلمين انجليزي) وعد: Yes، (اه) وعد:؟Where am I(اين انا) الخدامة: In America، (في امريكا) وعد:؟Where is Adam(اين ادم) الخدامة: In the sitting room، (في غرفة الجلوس) وعد: ok، (تمام).
وعد: ، Thank you (شكرا لكي) الخدامة نزلت لادم... الخدامة: ، The lady woke up(السيدة فاقت) ادم: ok، (تمام) ادم كان طالع ليها لقاها نازلة... ادم: كنت طالعلك.. وعد: تمام... ادم: خدي دوش، و كلي، و بعدين نتكلم... وعد: اوك... وعد خدت دوش و لقت شورت و تي شيرت و لبستهم و نزلت... لقت ادم مستنيها على السفرة... هي و هو كلوا بصمت... ادم: تعالي على اوضة المكتب... وعد: تمام... ادم: اقعدي يا وعد... وعد: قعدنا، خير..
وعد لقت عصير... ادم: اشربي العصير... وعد: هو في ايه مش مطمنة... ادم خد نفس عميق عارف ان وعد هترفض و بشدة.. ادم: احم وعد علشانك و علشان عائلتك، انا قررت اتجوزك... وعد تفت كل إلى في بوقها، و قعدت تكح... ادم قام و شربها ماية... ادم: هششش اهدي... وعد: ادم انت بتهزر صح... ادم ركع قدامها(و كانت اول مرة يعملها)... ادم(بهدوء): وعد ممكن تفهميني، للاسف ال Boss حطك في دماغه و اكيد فهمتيني...
وعد خدودها احمرت و اتحرجت و وطت رأسها... ادم(بنفس هدؤه): مصلحتك و مصلحة عائلتك في ايدي يا وعد، ليكي الخيار... وعد: بس انا مخطوبة و تيتة مصممة على الجواز... ادم: دي مش مشكلة يا وعد... وعد: طب ما هو مينفعش انا و انت نتجوز... ادم: ليه؟ وعد(بانفعال): انت رجل مافيا و انا مستحيل اتجوز واحد مجرم... ادم قام بسرعة... ادم: تمام، تقدري توعديني انك هتنسي اللي شوفتيه في الفلاشة، انتي و بنت عمك...
وعد: بس دي حقيقة لازم الكل يعرفها... ادم اتعصب جدا، و مسك دقنها... ادم: اياكي ثم اياكي دماغك توزك يا وعد، لانك هتندمي كل اللي شوفتيه مجرد نقطة في بحر، و مش معني اني مورتكيش وشي التاني يبقي تشوفي نفسك فاهمة يا روح اهلك... وعد(بدموع): سيبني يا ادم.. ادم شاف خدودها و شفايفها و ركز على وشها اوي و لسة بيقرب منها... ضرب نار اشتغل كسر زجاج المكتب... وعد صرخت و ادم حماها بجسمه...
و خد سلاحه بسرعة و مسك بإيد وعد و طلع على الطابق اللي فوق... وعد: هنعمل ايه؟ ادم: متتكلميش و اهدي... طلع تليفونه... الخط اتفتح... ادم: جهز عربيه ورا ال؟يلا فورا... حارس1: تمام يا فندم... ادم مسك ايد حور و راح عند مكتبة... وعد: في ايه فهمني؟ ادم: هششش اخرسي... ادم فتح المكتبة بالبصمة و دخل هو و وعد، تحت صدمة وعد... و نزل وعد سلم صغير، و وعد لقت نفسها في مكان غريب... وعد: احنا فين؟ ادم: ملكيش دعوة...
ادم لقي حارس... ادم: حطيت كل حاجة... حارس: تمام يا شيطان... وعد ركبت العربية هي و ادم... و ادم كان بيسوق جامد... وعد: براحة هنموت... ادم لقي عربية وراه... لف بعربيته و ضرب نار على عجل العربية اللي قدامه خلي العربية تتشقلب... وعد: ايه ده ايه ده؟انت قتلتهم انت مجنون... ادم: لو مكنتش قتلتهم مكنتيش عايشة يا وعد... ادم ساق بسرعة كبيرة و لمسافة بعيدة...
وعد نامت من كتر التعب و الضغط النفسي اللي اتعرضت ليه في اليومين اللي فاتوا... ادم وصل لغابة... ادم: وعد وعد... وعد لا رد، (بتنام في ايه حتة البت دي؟).. ادم ضرب نار... وعد(بخضة): ايه في ايه حد حصله حاجة؟ ادم: انزلي... وعد بصت حواليها لقت شجرر كتير و طويل... وعد: احنا فين؟ ادم: مش مهم... وعد نزلت و ادم فتح شنطة العربية و طلع شنطة ضهر و شنطة متوسطة في الايد... ادم: مدي قدامي... وعد: هات اساعدك...
ادم: انجزي امشي قدامي... وعد: طيب... وعد و ادم مشيوا في حدود ربع ساعة... وعد: هنوصل امتي؟ ادم: تعبتي؟ وعد: اه... ادم امسكي الشنطة دي... وعد: بقولك تعبانة تقولي امسكي الشنطة... ادم: اسمعي الكلام... وعد مسكت منه الشنطة، و لقت ادم بيشلها بين ايديه... وعد: ايه ده لا مينفعش... ادم: تعرفي تخرسي شوية... وعد: بس... ادم: وعد لو سكتي لمدة 10 دقايق هعملك اللي انتي عايزاه... وعد: بجد... ادم: اه...
وعد فضلت ساكتة دقيقة و اهي داخلة التانية.. وعد: و انت يا ادم مش بتخاف؟.. ادم: مكملتيش دقيقين يا وعد.. وعد: انا بكره الصمت اوف... ادم: خلاص وصلنا... ادم نزل وعد، وفتح باب خشبي.. وعد: ده كوخ.. ادم: اه... ادم فتح الباب و دخل وعد و دخل هو كمان... وعد: هموت و انام... وعد لقت كنبة اترمت عليها في اقل من دقيقة نامت... ادم(لنفسه): تعبت من يومين، الرحمة...
و بعدين ادم شالها و نيمها في سرير جميل و في اوضة شيك و حلوة... و ادم نام جمبها...
رواية مجنونة في عالمي للكاتبة سلسبيل كوبك الفصل الثاني عشر
-في الصباح الباكر... في بيت عائلة النجار... بدر: دلوقتي احنا هنعمل ايه يا جماعة؟البنات مختفين بقالهم يومين... سيلين: طب عمو مصطفي او عمو محمود ليهم اعداء؟ حمزة: لا طول عمرهم في حالهم... ريان: انا خايف ليكون حد عملهم حاجة... نانسي: البوليس مش بيتصرف معرفش ليه.. سيرين: انتوا قلقانين ليه عادي يعني... ريان: لولا انك بنت عمي و اخت سيلين كنت مديت ايدي يا سيرين...
ريان قام خالص، و طلع بره البيت و فضل يتمشي لغاية ما وصل لاول الشارع... ريان لقي مايا واقفة بعربيتها... ريان: مايا! مايا: ريان، الحمد لله لقيتك... ريان: انتي ايه اللي جابك هنا؟ مايا: جيالك بس كنت نسيت الطريق... ريان: جيالي ليه؟ مايا: ايه الاحراج ده، امشي يعني؟ ريان: اكيد مش كدة، اقصد يعني سبب الزيارة... مايا: النهاردة اجازة، و انت قافل تليفونك، و انا كنت عايزة اطمن عليك و على اخواتك...
ريان: اه تمام تعالي معايا... ريان خد مايا و رجع البيت... وليد: اوبا ايه المزة الجامدة دي... ريان: وووليد احترم نفسك... حمزة: دي زميلة ريان و كمان هي اللي ساعدتنا لما عمو مصطفي كان تعبان... نانسي: اه اهلا تشرفت بيكي... مايا: انا اكتر... سيلين: اهلا بيكي... سيرين: هي دي اشكال تتعرف يا بنتي... ريان: وليد ايه رأيك تأخد اختك و تطلع لفوق علشان نرتاح... وليد طلع، و سيرين مشيت...
بدر: بنعتذر جدا بس هما كدة علطول، اسف... مايا: لا عادي و لا يهمكوا... مايا: بصوا انا شايفة اسلم حل انكوا متوقفوش حياتكوا، و متفهمونيش غلط، انتوا مثلا محتاجين حد يرعي جدتكم و حد يرعي اهاليكوا لانهم في صدمة بسبب اختفاء بناتهم، انتوا كابناء لازم تساعدوهم، لانهم محتاجين مساعدة و هما كبار، اما انتوا كبار شوية فهتستحملوا... نانسي: اتفق معاكي... ريان: طيب يلا نطلع... مايا: هستأذن انا بقي...
ريان: يلا نطلع يا مايا... و الكل طلع... حمزة: يا منال منولة... منال: ايه يا حبيبي عايز ايه؟ سيلين: مفيش يا طنط ده معانا ضيفة و كدة يعني... نانسي(بهمس): اعملي اكل خلي عندك ذوق الله... سعاد: مضايقوناش احنا فينا اللي مكفينا.. مايا: بس يا طنط انتوا دلوقتي وظيفتكوا تهونوا على اجوازكم لانهم محتاجين حد يقف جمبهم، محتاجين دعم و هما يدعموكوا، لازم تساعدوا بعض... حمزة: الراجل ده بيقول كلام زي الفل...
الكل ابتسم، و حضروا غداء و كلوا... -في مكان تاني... نور كانت نايمة و قامت ملقتش تميم موجود في ال؟يلا و قعدت تصرخ و تعيط، و قعدت تعيط كتير... و بعدين لقت حد بيفتح باب ال؟يلا و لقت تميم... نور قامت جري و حضنته و قعدت تعيط... تميم(بخضة): هشششششش. في ايه حصلك حاجة؟ تميم: طب اهدي طيب.. خدها و هي لسة في حضنه و قعدها على الكنبة، و قعد قدامها... تميم: بس اهدي انا اهو، احكي بس حصل ايه؟
نور(بعياط): صحيت الصبح ملقتكش موجود، و انا بخاف اكون في مكان لوحدي... تميم: طيب خلاص انا هنا اهو، كنت بس بخلص شغل... نور: بس ارجوك متمشيش تاني، علشان بخاف... تميم: خلاص متخافيش انا موجود... و بعدين حط ايديه على خدها... تميم: قومي اغسلي وشك و انزلي علشان نحضر اكل، تمام... نور: تمام... نور قامت غسلت وشها و غيرت هدومها، و نزلت ليه.. تميم: عايزة تأكلي ايه؟. نور: بانية و مكرونة... تميم: تمام، يلا بينا...
نور: اوك... نور و تميم جهزوا الاكل، و قعدوا كلوا... -عند ادم و وعد... وعد صحيت لقت ادم جمبها و كانت لسة هتزعق، لقت بيفصل بينهم مخدة... وعد قامت و خدت دوش، و لقت لبس في الشنطة اللي كانت مع ادم، لبست شورت قصير و تي شيرت بنص قصير... و نزلت للطابق اللي تحت، و دخلت المطبخ فتحت التلاجة لقتها مليانة اكل، و استغربت جدا... وعد(بسخرية): اكيد مش غريبة على الشيطان... و بعدين طلعت جبن و اكلات خفيفة كدة...
و حطيتهم على السفرة... ادم: لا طلعتي ست بيت فعلا... وعد بصت ليه.. وعد(بملل): مش اوي كدة يعني، ده لما بكون عايزة اكل بتصرف بس مش اكتر... ادم: تمام... ادم راح قعد و بدأ يأكل، و وعد هي كمان قعدت... وعد: احنا هنفضل هنا قد ايه؟ ادم: هنبات النهاردة و نمشي بكرة الصبح... وعد: تمام، بس انا لقيت اكل في التلاجة ازاي الاكل مش بايظ او كدة؟ ادم: اتصلت بيهم و قولتلهم اني جاي، فاتصرفوا و مشيوا... وعد: مين هما؟
ادم بصلها بزهق... ادم: بطلي فضول يا وعد... وعد: ده مش فضول، اومال يعني نتكلم في ايه الله؟ وعد: بس هو انت فعلا دكتور صح؟طالما انت دكتور و عندك مستشفي و كذا مستشفي، ليه شغال في المافيا يا ادم... ادم: وعد طالما متعرفيش الحكاية كلها يبقي متسأليش كتير... وعد: طب انت هترجعني لاهلي امتي و هترجع نور امتي؟ ادم: نور احتمال ترجع النهاردة بليل او بكرة بالكتير... ادم: اما انتي هشوف لسة... وعد: اهم حاجة نور ترجع...
ادم: عايزة تكلميها... وعد(بفرحة): اه اوي... ادم طلع تليفونه... الخط اتفتح... ادم: الو يا تميم... تميم: ايه؟ ادم: ودي التليفون لنور... تميم: ليه؟ ادم: كدة... تميم: خدي يا نور... نور مسكت الفون... نور: الو... وعد: نور نور وحشتيني اوي، عاملة ايه انتي كويسة؟ نور(بدموع): وحشتيني اوي يا وعد، كنت محتجاكي جمبي... وعد(بدموع): خلاص بقي، قربنا نرجع متخافيش يا روحي... نور: تمام، انتي اهم حاجة عاملة ايه؟
وعد: اهو تمام، عايشة في فيلم اكشن انا... نور: حلم حياتك... وعد: كان حلم اسود بعيد عنك... ادم(بهمس): خلاص يا وعد... وعد: هقفل دلوقتي يا نوري... نور: تمام، هتوحشيني... وعد: باي... وعد: شكرا شكرا شكرا شكرا شكرا ليك... ادم: عفوا... نور: بجد يا تميم بشكرك اوي... تميم: تمام، هروح اشتغل شوية، انتي اتفرجي على التلفزيون... نور: اشطا يا معلم... تميم: الرحمة... -نرجع لوعد و ادم... ادم: انا هروح اشتغل شوية، تمام..
وعد: لا انا مبحبش اقعد لوحدي.. ادم: اعملك ايه الله؟ وعد: هات فونك اتفرج على اليوتيوب... ادم: مش بثق فيكي.. وعد(بحزن): خلاص مش عايزة حاجة شكرا... وعد قامت و دخلت على اوضتها و فردت على السرير... ادم راح اشتغل... -في بيت عائلة النجار... حمزة جاله تليفون... حمزة: طب انا هقوم ثانية و راجع... حمزة قام... -الخط اتفتح... حمزة: الو... مرام: الو ازيك يا حمزة... حمزة: تمام يا روحي، اخبارك انتي؟
مرام: انا بخير، حمزة انا وافقت نأخد خطوة لقدام بس في حاجة لازم تعرفها عن حياتي القديمة... حمزة: في ايه يا روحي؟ مرام: ممكن نتقابل؟ حمزة: اكيد، فين؟ مرام: في مطعم(، )... حمزة: تمام جاي دلوقتي... حمزة لبس هدوم الخروج... حمزة: ماما انا خارج... سعاد: ماشي يا حبيبي، خلي بالك من نفسك... حمزة: حاضر... حمزة نزل... ريان: هو فين بابا و عمو؟ منال: راحوا يتمشوا شوية يا حبيبي... مايا: طب هستأذن انا... بدر: ما انتي قاعدة...
مايا: لا شكرا... نانسي: بجد اتشرفت بيكي... مايا: انا اكتر، و ان شاء الله نتقابل كتير... سيلين: بجد نورتينا... مايا: شكرا... ريان: تعالي اوصلك... ريان و مايا نزلوا... نانسي: شوفتوا نظرات ريان لمايا يا جماعة... منال: اه فعلا انا خدت بالي... سعاد: ربنا يكتبهالوا... بدر: يا رب... سيلين: ان شاء الله كل الامور هتتظبط... حمزة راح للمطعم لقي مرام... حمزة: احلي وردة قاعدة هنا... مرام: شكرا... حمزة: ها يا ستي في ايه؟
مرام: انا من الصعيد يا حمزة، و من و انا عندي 17 سنة اكيد والدي كان وكيلي، هو كان اب قاسي و مش بيراعي اني بنته ابدا، بابا جوزني من غير ما اعرف يا حمزة... حمزة اتصدم جدا، مرام بصتله بمعني تكمل و لا لا.. حمزة: كملي يا روحي... مرام: انا عرفت بعد كتب الكتاب اني كدة اتجوزت، و رفضت جدا، بابا هددني انه هيقتلني، و بعديها في يوم كنت ماشية لقيت اللي كتفني و خطفني و وداني مكان مهجور، و خلاني...
و بعديها قعدت تعيط... حمزة قام و قعد جمبها و طبطب عليها... حمزة: هشششش، اهدي انا جمبك اهو، و مش هسيبك، اهدي بس علشان خاطري... حمزة مسح ليها دموعها... حمزة: كوني عارفة اني حبيتك و انتي كدة، مليش دعوة بماضيكي، انا ليا دعوة من ساعة ما شوفتك بس يا مرام... مرام حضنته و حضنها.. مرام(بخفوت): انا بحبك اوي... حمزة: انا اكتر علفكرة، بحبك يا مجنونة... حمزة لقي الكل بيبص عليهم..
حمزة: شكلهم هيطلبوا البوليس، يلا بينا... مرام ضحكت و مسكت في ايده و خرجوا من المطعم... حمزة: ممكن سؤال؟ مرام: عايزني اكمل صح؟ حمزة: الصراحة اه، هو مش هيفرق في حاجة بس علشان اكون عارف كل حاجة...
مرام: ماشي، و بعدها والدي اتبري مني، و انا اتواصلت مع ماما بالتليفون، لان بابا كان طلق ماما لانها من بلاد بره اساسا، و كان متجوز واحدة تانية عموما، ماما جت و خدتني و دفعت فلوس كتير و انا اطلقت، بس، و سافرت مع ماما لي لبنان، و لسة راجعة، علشان كدة انا مكنتش عارفة حاجة في الجامعة، بس يا سيدي.. حمزة: يعني لما نتجوز هاكل فتوش و بطوش و بندورة... مرام(بضحك): فطوش و بتوش... حمزة: هي مش اسمهم كدة...
مرام: و النبي... حمزة: انا برضو قولت كدة، يلا بينا... -عند نانسي... نانسي لقت تليفونها بيرن.. الخط اتفتح... نانسي: الو... شخص: الو ازيك... نانسي: مين؟ شخص: عز يا نانسي... نانسي: اه اهلا، بس حضرتك جبت رقمي منين؟ عز: دي حاجة بسيطة اوي عليا.. نانسي: طيب تمام، هقفل انا.. عز: طيب سجلي بقي الرقم، لو عوزتي اي حاجة قوليلي، و طمنيني على وعد و ونور لما يرجعوا... نانسي: تمام شكرا...
نانسي(لنفسها): ايه ده؟هو جاب رقمي ليه و ازاي و منين؟ نانسي(لنفسها): مش هشغل نفسي بقي... سيلين: بتكلمي نفسك؟ ناسي: ها لا مفيش... سيلين: عاملة ايه؟ نانسي: تمام و انتي؟ سيلين: اهي ماشية يا نانسي... نانسي: متخافيش لو من نصيبك هيكون ليكي... سيلين: بدعي يا نانسي، بدعي... نانسي: خلاص بقي متخافيش ان شاء الله خير... -عند نور و تميم... تميم: نور نور... نور: اممممم... تميم: جهزي نفسك علشان هتمشي بكرة الصبح...
نور(بصدمة): ايه ليه؟ تميم(باستغراب): ايه؟ نور: لا خالص مفيش، و وعد هتروح صح؟ تميم: لا وعد مش هتروح دلوقتي... نور: ليه حصل حاجة؟ تميم: لا، هنشوف ال Boss هيعمل ايه؟ نور: مين ال Boss؟ تميم: متشغليش بالك... نور: انا طالعة... تميم: اه نور انتي مشفتيش اي حاجة في الفلاشة تمام، انسي كل اللي شوفتيه... نور: طب و انا هقول ايه لعائلتي؟
تميم: هتقولي انك كنتي مخطوفة، و لو سألوكي من مين تردي ناس مشفتش وشها، و كانوا خاطفين بنات كتير غيري، و انا و كام بنت قدرنا نهرب... نور: تمام، هو كدة خلاص؟ تميم: اه... نور: طب و الشغل... تميم: انتي دكتورة، و بتشتغلي في المستشفي عادي جدا، و لو شفتي ادم او انا او عز كإنك متعرفيش غير اننا صحاب المستشفي، فاهمة يا نور... نور: فاهمة... تميم: اي غلطة هتتحملي نتيجتها انتي، و هتأذي صاحبتك...
نور: ماشي، انا طالعة الاوضة... -عند وعد و ادم... وعد نامت و ادم كان لسة بيشتغل، و بعدين ادم طلع ليها لقاها نايمة... ادم: وعد وعد... ادم: يا رب وعد، يا بت قومي... ادم: انتي لازم كل يوم تصحي بعلقة و ربي... و بعدها طلع مسدسه و ضرب رصاصة... وعد: عااااااااااااااااااااااااا... ادم(ببرود): متنسيش انك مخطوفة... وعد: يا شيخ جتك نصيبة في شكلك... وعد: طب اخطفني بس دلعني و الله ما عندي مانع...
ادم: يا بت نفسي مرة واحدة تتكلمي جد... وعد: خير عايز ايه؟ ادم: قومي جهزي غداء... وعد: نعم يا اخويا! ادم(ببرود): قدامك دقيقتين تقومي فيهم الا كدة و الا هسلمك لل Boss... وعد خافت طبعا لانها عارفة هو قاصده ايه... وعد: انا مبعرفش اعمل اكل... ادم: انزلي معايا... وعد: تمام.. ادم(باستفزاز): شايفك جبتي ورا يعني... وعد: اه يا جذمة... ادم نزل و وعد غسلت وشها و نزلت ليه... ادم بدأ يعمل اكل... وعد: واو بتعرف تطبخ...
ادم: الشيطان بيعرف يعمل كل حاجة... وعد: الا انه يتوب يا ادم... ادم بص ليها و هي بصت ليه، بصتهم لبعض دامت لفترة مش طويلة اوي... تليفون ادم رن... الخط اتفتح... ادم: الو... عز: جاك عرف طريق وعد يا ادم... ادم: تمام اقفل... ادم(بسرعة): يلا بسرعة... وعد: في ايه؟ ادم: مفيش، اجهزي بسرعة... وعد: مش عارفة اعمل ايه؟ ادم: غباء... ادم مسك ايديها و طلع الاوضة فوق...
و حط الاب توب في شنطة الضهر، و حط كام قطعة هدوم لوعد و ليه، و ربط الكوتشي بتاعه... ادم: هاتي ايديك... وعد مدت ايديها ليه... ادم مسكها و نزل جري و اول ما فتح باب الكوخ لقي قدامه جاك و رجالته...
رواية مجنونة في عالمي للكاتبة سلسبيل كوبك الفصل الثالث عشر
ادم جاله تليفون بإن جاك عرف طريقهم... ادم مسك وعد و نزل جري و اول ما فتح باب الكوخ لقي قدامه جاك و رجالته... جاك(بابتسامة استفزاز): اهلا بالشيطان... ادم بص لوعد... ادم: عايز ايه يا جاك؟انت عارف انك مش هتقدر تقتلني... جاك: تؤ تؤ تؤ انا اقدر اقتل الشيطان، دي تبقي عيبة في حقي... ادم: عايز ايه؟ جاك بص لوعد من تحت لفوق بنظرات وقحة... وعد مسكت في ايد ادم جامد، ادم خباها ورا ضهره... ادم: انجز يا جاك...
جاك: مش هتقولي اتفضل كدة هتتحسب عليك يا شيطان... ادم: ادخل... جاك راح قعد بكل وقاحة و فرد ايديه على الكنبة... و رجالته حاوطت ادم و وعد... ادم بص على عدد الرجالة لقاهم كتير، و بعدين بص لجاك لاحظ نظراته لوعد... وعد(بهمس): ادم انا خايفة... ادم غمض عنيه جامد بألم، (لانه عارف انه مهما حصل مش هيقدر على العدد ده كله).. ادم: جاك نتفاهم بره... جاك: بس اللي انا عايزه مش محتاج تفاهم، صح يا وعد...
وعد مسكت في ادم اكتر... جاك شاور لحد من رجالته... و بعدين ادم اضرب على رجله (بسلاسل من حديد) وقع على ركبته... وعد(بدموع): ادم... ادم حاول يقوم بس ضربوه تاني... واحد مسك وعد من دراعها و بيشدها، و هي ماسكة في ايد ادم اوي، مش عايزة تسيبه... وعد(بدموع و صريخ): ادم ارجوك، ادم... جاك قام مسك وعد و شدها...
جاك(باستفزاز): بقول نطلع فوق علشان هنا هجرح كرامتك اوي يا شيطان، مع ان ال Boss ميعرفش اي حاجة عن عداوتنا، باي... و شد وعد علشان يطلع على السلالم... وعد(بصريخ): ادم ادم ارجوك... و رجالة جاك بدأت تضرب ادم... جاك: يلا... و شد وعد لغاية ما طلع الاوضة و رماها على السرير، و بدأ يفك قميصه... وعد(بصريخ و دموع): بليز معملتش ليك حاجة، ادم ادم، ادم رد ارجوك... جاك(بابتسامة): لا ادم مش هيعرف يعمل حاجة...
وعد كانت بتقاوم بشدة و جاك مش عارف يسيطر عليها... و بعدين فجأة باب الاوضة اتفتح و دخل ادم بكل غضب و مسك جاك قعد يضربه يضربه جامد... و وعد بتموت من الرعب و بترتعش و بتعيط... عز: ادم خلاص كفاية متنساش انه مينفعش... ادم: و ربي لربيك يا جاك... ادم راح ناحية وعد... ادم: وعد... وعد بصت ليه لقت وشه متعور و باين عليه التعب... ادم قعد قصادها و مسك وشها بين ايديه...
ادم: هششششش، اهدي اهدي مفيش اي حاجة هتحصل، كله بخير، و مفيش حاجة حصلت، اهدي انا جمبك اهو... وعد حضنته و ادم حضنها، و وعد قعدت تعيط و ادم بيحاول يهديها... عز: احم لازم نتحرك... وعد بعدت عن ادم و اتحرجت اوي... ادم: ابعت رسالة لأنس يجي يأخده... عز: تمام... ادم شال وعد.. وعد: بس... ادم: هششش اسكتي... وعد خبت وشها في ادم... و بعديها راحت في نوم عميق...
ادم خد وعد و نيمها في الطيارة و في مضيفة غيرت على الجروح اللي في وشه، و هو كمان نام، و عز نام... -(عز لما كان بيتصل بأدم كان هو ركب الطيارة و متجه ناحية ادم، لانه عارف انه لوحده)... و عز دخل هو و رجالته ضربوا رجالة جاك و ادم طلع بسرعة لوعد... -في مكان تاني... عند تميم و نور... تميم: نور... نور: ها... تميم: مش هعيد كلامي تاني تمام... نور: خلاص فهمت، انا نسيت كل حاجة خلاص... تميم: تمام، ما هصدق اخلص منك...
نور: متشكرة... تميم: يلا نحضر عشاء... نور: مليش نفس اكل... تميم: طب كلي شيكولاتة... نور: لا، عايزة انام، باي.. تميم: زعلانة من ايه؟ نور: مفيش عن اذنك... تميم(ببرود): تمام... -انس راح جاب جاك و اتصل بالدكتور و عالجه و سابه و مشي... -(ملحوظة صغننة: انس اينعم مساعد ال Boss بس هو برضو بيخفي عليه اعمال الشيطان و جاك، )...
-عند ادم و وعد... المضيفة: ادم بيه ادم بيه... ادم: ايه؟ المضيفة: وصلنا... ادم: تمام، وعد هانم صحيت.. المضيفة(بكره): لسة... ادم: تمام، صحي عز بيه... ادم راح لوعد و شالها... عز: شكلك بقيت مبسوط بالشيل... ادم: شكلك عايزك تتعرف على الشيطان من الاول... عز: و على ايه؟براحتك يا عم... ادم طلع على اوضته في قصره و نيم وعد في سريره، و غير هدومه و نام جمبها... عز راح على اوضته... -في الصباح الباكر... تميم: نور نور...
نور: ها... تميم: يلا علشان تمشي... تنور: انت مستعجل اوي كدة... تميم: اكتر مما تتخيلي... نور: تمام وسع بقي... نور قامت استحمت و لبست اللبس اللي هي اتخطفت بيه... تميم: يلا قدامي... نور: تمام... تميم ركب نور عربيته و ساق هو... و بعدين تميم و صل نور على مكان قريب من بيتها... تميم(هو باصص قدامه): انزلي... نور: تمام.. تميم: متنسيش، فيها موتك و موت بنت عمك... نور: حفظت... تميم بصلها و هي بصتله...
تميم(خد نفس عميق): انزلي... نور: باي... نور نزلت و راحت على البيت... تميم طلع بعربيته بسرعة لقصر الشيطان... نور طلعت و خبطت على بيت والدها... سعاد: حاضر... الباب فتح... سعاد(بفرحة): نوووووووور، حبيبتي... سعاد قعدت تحضن نور اوي و تبوس فيها... نور(بدموع): وحشتيني يا ماما... سعاد(بصوت عالي): نور رجعت نور رجعت يا منال.. منال نزلت ليها... منال: مبروك يا روحي، فين وعد؟
نور(بتمثيل): فين وعد؟مش مفروض انا اللي اسأل السؤال ده، وعد فين يا ماما؟ منال: ان شاء الله هترجع، مبروك يا سعاد، بنتي الاولي رجعت... سعاد: عقبال وعد يا روحي.. سيلين: ايه ده! نور... سيلين حضنت نور... نور: وحشتيني... سيلين: و انتي اكتر... سعاد: خدي دش، اومال انتي كنتي فين؟ نور: معرفش يا ماما اتخطفت من ناس انا و بنات غيري و قدرنا نهرب... سيلين: بس هدومك نضيفة..
نور(بتفكير): روحت لواحدة من البنات اللي هربت الاول غسلت هدومي و قعدت يوم ومشيت، لان البيت بتاعها كان اقرب... منال: ماشي يا روحي... نور دخلت غيرت هدومها و نامت علطول... -في مكان تاني... عند ريان... ريان: هو متعرفيش المدير عايزني في ايه؟ مايا: اعرف ازاي؟ ريان(بهمس): مش انتي بنته؟ مايا: اه، بس قولتلك محدش يعرف و انا موظفة هنا... ريان: ربنا يستر يا رب... ريان دخل للمدير، و خرج فرحان... موظف: في ايه يا ريان؟
ريان: انا اترقيت... مايا: مبروك... ريان(بدون وعي)شال مايا و لف بيها شوية تحت صدمتها و صدمة الكل، و صدمته بعد ما استوعب الامر(؟)... ريان: احم انا اسف... مايا(بلوم): يا شيخ حرام عليك منظري دلوقتي قدام الكل ايه؟ معتز: مدوراها... ريان(اتعصب): معتز احترم نفسك علشان مهزأكش... معتز: بقول الحقيقة... مايا: لا احترم نفسك علشان متتهزأش بجد يعني... معتز: هي مش دي الحقيقة؟ ريان ضربه بوكس و بوكس...
مايا: ريان ريان خلاص... الموظفين فضوا الاشتباك... معتز: مش هسيبك يا ريان... ريان(بغضب): اعلي ما في خيلك اركبه... مايا: خلاص خلاص... معتز مشي على مكتبه... ريان: انا سف يا مايا... مايا: خلاص... مايا: مبروك الترقية... ريان: الله يبارك فيكي... مايا: عندي مفأجاة... ريان: ايه؟ مايا: انا السكرتيرة الخاصة بيك... ريان: يعني كنتي تعرفي... مايا: اه بس متزعلش...
ريان: مش زعلان، بس ممكن ازعل لو انتي اللي خليتي والدك يعمل الترقية دي... مايا(بصدق): لا و الله... ريان: تمام، ابوكي هيسافر و انا اللي همسك الشركة اه يا قلبي، حمل تقيل... مايا: انت قدها... ريان: يا قلبي... مايا اتحرجت جدا... تليفون ريان رن... الخط اتفتح... ريان: ايه يا حمزة... حمزة(بفرحة): نور رجعت... ريان(بفرحة): بجد، و وعد؟ حمزة: للاسف لا يا ريان.. ريان: ان شاء الله خير، وعد اكيد هترجع...
حمزة: ان شاء الله... مايا: مين رجع؟ ريان: نور... مايا: و وعد اكيد هترجع ان شاء الله... ريان: يا رب... مايا: يلا بقي هو السكرتيرة هي اللي هتمشي المدير الجديد و لا ايه؟ ريان: لا يلا... -عند حمزة و مرام... مرام: هاجي معاك يا حمزة... حمزة: تمام تعالي... حمزة و مرام راحوا للبيت... حمزة(بصوت عالي): نووووووووور... حمزة فتح عليها باب اوضتها... حمزة: نوووووووور.. نور: ايه في ايه؟ حمزة(بدموع): وحشتيني...
نور قامت حضنته و فضلوا حاضنين بعض... نور: و انت و الله... سيلين: انتي زميلة حمزة في الجامعة؟ مرام: اه... نور خرجت ليهم... نور: ماما جعانة... نور افتكرت لما كانت هي و تميم بيعملوا الاكل... نور(لنفسها): انسي الجزء ده من حياتك... مرام: حمد لله على السلامة... نور: الله يسلمك... حمزة: مرام يا نور... نور: اه مرام طبعا عارفاها، اهلا يا روحي.. محمود: نور حبيبتي نوري... نور(بدموع): بابا وحشتني اوي...
محمود: كنتي فين يا قلب ابوكي؟ مصطفي: طمنينا يا بنتي... نور: حكت ليهم اللي حصل(او بمعني اصح اللي تميم قاله)... و بعدين ريان رجع و فرح برجوع نور... -اما و ليد و سيرين مقضينها... -عند ادم وعد(في قصر الشيطان)... وعد و ادم كانوا نايمين... و وعد كانت بتحلم بكابوس فمسكت ايد ادم اوي و قعدت تصرخ... ادم صحي... ادم: وعد وعد... وعد(بصريخ): اددددددددددددددم... ادم: هش اهدي بس... وعد: يا رب، انا زهقت بقي... ادم: احسن؟
وعد: اه... وعد لاحظت انه عنده جرح في شفايفه و جرح في حاجبه و في رأسه... ادم: قومي استحمي يا وعد... وعد: تمام... وعد قامت استحمت و خرجت لابسة بنطلون و سويت شيرت... وعد: انا لبست... ادم: تمام انزلي عقبال ما استحمي و البس... وعد: هنزل ازاي؟ ادم فتح ليها باب الاوضة ببصمته... وعد: ربنا يكون في عون مراتك المستقبلية... ادم: لو اتجوزت... ادم دخل استحمي... و وعد نزلت و انبهرت بشكل القصر و اثاثه و تنظيمه...
مي: تؤمري بأي حاجة يا ست هانم... وعد: اه متقوليش يا ست هانم تمام، انا اسمي وعد، تمام... مي: بس الشيطان.. وعد: ملكيش دعوة بالشيطان، اوك متفقين... مي: تمام... مي مشيت، و وعد كملت لف في القصر و خرجت للجنينة... وعد كانت بتتمشي ملاحظتش اللي كان بيبص ليها بعيون غضب.. وعد بتتمشي... و بعديها لقت قدامها حد... وعد(بصريخ): ادددددددددددددم...
رواية مجنونة في عالمي
